النهارده الكل بيتكلم عن زيزو راح الأهلي رسميا
الصفقة اللي الزمالكاوية قالوا عليها “مستحيلة”
واللي كل واحد شايفها بطريقته:
الزملكاوي موجوع…
والأهلاوي بيغني من الفرحة 
لكن الحقيقة؟
زيزو خد قرار صعب .. لمصلحته ..
قرار هيغير مستقبله ..
قرار يثبت كل افكار العصر
الرأسمالية!
وماخدوش بالعاطفة، خده بالعقل، بالشغل، وبالتخطيط 
في وقت الناس كلها كانت بتتفرج،
بتترقب ..
بتتمني
هو كان بيشتغل على مستقبله
مصلحته .. اكل عيشه
ولو أنت طالب ثانوي النهارده؟
فأنت كمان عندك “صفقة”
بس مش مع نادٍ… مع مستقبلك 
صفقة بينك وبين نفسك:
هتسيب التعب؟ ولا هتكمل وتكسب؟
المذاكرة مش دايمًا ممتعه ..
او ولا عمرها ما كانت ممتعه يا سيدي
بس لحظة ما النتيجة تطلع، وتلاقي مجهودك رجّعلك الحياة؟
هتحس إنك كنت بتقاتل علشان تبقى نجم… مش في الكورة،
في حياتك.
سواء كنت أهلاوي أو زملكاوي…
النجاح مش بيحب اللون
النجاح بيحب اللي اختار الطريق الصعب… وكمله.
عيد النهارده و بعدها
يلا قوم راجع ..
واشتغل على مستقبلك زي ما زيزو اشتغل على انتقاله 
بذكاء
خلي الناس كلها تقول عنك كمان:
“عملها!”
احمد غنيم
لا تعليق