الامتحانات التجريبية في الجغرافيا؟ تحليل كامل… واطمئنان تام
بعد ما قرات الامتحانات التجريبية في الجغرافيا بالكامل .. أقدر أقول بكل ثقة:
مراجعتنا غطّت كل الأفكار اللي وردت فيها بدقة.
وده مش بس أراح قلبي .. ده خلاني مطمئن جدًا!
متعه كبيره شعرت بها و أنا جالس اقرا كل فكره سؤال حلو
و خيالي و عقلي يتذكرني و أنا أقف اؤكد علي الفكره مرة و اثنين و ثلاثه في خلال فتره الشرح و المراجعه و اعتقد ان بعض طلابي الملتزمين قاموا بالفعل بمحاوله الحل للامتحانات و شعروا فعلا بنفس هذه المشاعر
نصيحتي ليكم كطلاب:
• حلوا الامتحانات التجريبية بتركيز.
• لو قابلتوا أي سؤال صعب، اطلبوا دعم المادة العلمية فورًا.
• خليك فاكر إن الهدف من الامتحانات دي إنها تنزل في الوقت ده “علشان انت تحلها”، مش علشان حد يحلهالك.
• اختبر نفسك الأول… بعدين راجع الإجابات. ده هيحققلك أقصى استفادة.
مهم كمان تعرف إن مش لازم تحل كل النماذج في كل المواد.
3 لـ 5 امتحانات في كل مادة كفاية جدًا علشان:
تكسب خبرة
تزود ثقتك
تراجع أخطائك بذكاء
ولازم أشكر زمايلي المدرسين في جميع المواد على الجهد الجبار اللي بذلوه لحل الامتحانات دي في وقت قياسي. الامتحانات دلوقتي متاحة للجميع على يوتيوب، ودي فرصة ذهبية لأي طالب يذاكر صح.
وأخيرًا…
رسالتي الخاصة لطلابي :
اطمئنوا.
مراجعه و توقعات ليالي الامتحان هتكون بإذن الله مراجعة موفقة، منظمة، وهتحققلك أكتر مما تتمنى.
ومين عارف؟
يمكن منجبش الجغرافيا بس في شوال و يبقي الجغرافيا و “التاريخ” كمان �
سلام 
لا تعليق